Ռուսաստանի խանութները դադարեցրել են ներմուծվող ալկոհոլային արտադրանքի մի մասի ընդունումը`«Ռուսաստանի Դաշնությունում խաղողագործության և գինեգործության մասին» նոր օրենքի պատճառով, որն ուժի մեջ է մտել այս տարվա հունիսի 26-ից, հաղորդում է RBK-ն:
Ըստ նորամուծության, արտադրանքի պիտակի վրա պետք է նշվեն խաղողի ծագման վայրը և տարին:
Ըստ շուկայի մասնակիցների, կոնյակների և շատ գինիների արտադրության տեխնոլոգիաները հաճախ թույլ չեն տալիս բավարարել այս պայմանը:
Նրանք գտնում են, որ մինչեւ հունիսի 26-ը վաճառքի հանված ապրանքները պետք է մնան խանութներում, իսկ այդ ամսաթվից հետո վաճառքի հանվածները, պետք է համապատասխանեն նոր օրենքին: