Վրացական GHN լրատվական գործակալության փոխանցմամբ՝ Մոսկվան պաշտոնական մակարդակով մասնակցում է միջազգային ահաբեկչությանը։ Այս մասին հայտարարել է Վրաստանի փոխարտգործնախարար Նինո Կալանդաձեն՝ մեկնաբանելով Վրաստանում ԱՄՆ դեսպանատան մոտ տեղի ունեցած պայթյունի վերաբերյալ ամերիկյան Կենտրոնական հետախուզական վարչության (ԿՀՎ) հաշվետվությունը.
«Վրացական իրավապահ մարմիները լիարժեք և մանրակրկիտ հետաքննություն են անցկացրել տվյալ ահաբեկչության վերաբերյալ, և կան ահերքելի ապացույցներ, որ դրանում մասնակցություն են ունեցել Ռուսաստանի հատուկ ծառայությունները։
Մենք այս տեղեկատվությունը ներկայացրել ենք թե՛ մեր գործընկեր երկրներին, թե՛ Ռուսաստանին։ Մենք առաջարկել ենք համագործակցել, սակայն պատասխան չենք ստացել։ Շատ վատ է, որ Մոսկվան պաշտոնական մակարդակով մասնակցում է միջազգային ահաբեկչությանը»։
Հիշեցնենք, որ ԿՀՎ-ի գաղտնի զեկույցի վկայությամբ՝ 2010 թվականի աշնանը Թբիլիսիում տեղի ունեցած պայթյունը կազմակերպել է ռուսական հետախուզությունը՝ Գլխավոր հետախուզական վարչությունը (ԳՀՎ)։
2010 թվականի դեկտեմբերի 7-ին Վրաստանը հայտարարեց իր 6 քաղաքացիների ձերբակալության մասին, որոնք կասկածվում էին ռուս սպա Բորիսովի պատվերով ահաբեկչությունների սերիա կազմակերպելու մեջ։ Այն ժամանակ պայթյուններից երկուսը տեղի էին ունեցել ԱՄՆ դեսպանատան շենքի և ընդդիմադիր Լեյբորիստական կուսակցության գրասենյակի հարևանությամբ։
2011 թվականի հունիսի վերջին վրացական դատարանը Վրաստանի 5 քաղաքացիներին դատապարտեց 30-ամյա ազատազրկման՝ Մոսկվայի հանձնարարությամբ ահաբեկչություններ կազմակերպելու մեղադրանքով։
