ՀՀ երկրորդ նախագահ Ռոբերտ Քոչարյանը երեկ հանդիպել է տնտեսական փորձագետների և լրագրողների հետ: Հանդիպման տեսանյութն արդեն տարածվել է՝ առաջացնելով ներքաղաքական կյանքի քննարկումների որոշակի աշխուժություն: Ի՞նչ ասելիք ուներ Ռոբերտ Քոչարյանը: Արդյոք նա որոշեց խոսել՝ ի պատասխան Սերժ Սարգսյանի ասուլիսի, որն, ինչպես հայտնի է, Ապրիլյան պատերազմի թեմայով էր:
Թեմայի շուրջ քննարկմանը մասնակցեցին «Անտարես» հրատարակչության տնօրեն ԱրմեՆ Մարտիրոսյանը, վերլուծաբան Աղասի Մարգարյանը և Գերագույն խորհրդի նախկին պատգամավոր Ազատ Արշակյանը:
Ազատ Արշակյանի դիտարկմամբ՝ Ռոբերտ Քոչարյանը մրցակցության մեջ է Սերժ Սարգսյանի հետ: «Նա չպետք է տնտեսական թեմայով խոսեր, հիմա իշխանությանը տնտեսական ձախողումների համար քննադատելն անիմաստ է: Ավելի հետաքրքիր կլիներ, եթե իրեն առաջադրվող մեղադրանքների մասին խոսեր և կարողանար արդարանալ, մաքրվել… Ավելի ենք հիասթափվում, երբ օրակարգ է բերվում ամբոխահաճո օրակարգ, դա սխալ է»,- նշեց նախկին պատգամավորը:
«Խափանման միջոցի փոփոխությունից հետո Ռոբերտ Քոչարյանը փորձում է ցույց տալ, որ ինքը գոյություն ունի, որ քաղաքական դաշտում է, օրակարգում է, հասարակական ասպարեզում է: Այդ մեկ ժամից ավելի զրույցում ո՛չ տեսակետ է հնչել, ո՛չ էլ քննադատություն,- նշեց Աղասի Մարգարյանը:- Տպավորություն կար, որ դա բազմիցս բեկականացված ազատ ոճի քննարկում էր, որը բովանդակային մաս չուներ»:
Մանրամասն՝ տեսանյութում:
