Ռուսաստանը քննարկում է ավիահաղորդակցությունը ևս յոթ երկրների՝ Ֆրանսիայի, Հունգարիայի, Մալթայի, Կիպրոսի, Հորդանանի, Եգիպտոսի (միայն Կահիրեի) և Չինաստանի (միայն Շանհայի) հետ վերսկսելու հարցը, գրում է «Իզվեստիան»: Օգոստոսի 18-ին, Ռոսավիացիայի օպերատիվ շտաբի և Ռոսպոտրեբնադզորի նիստում հանձնարարվել է մշակել այդ երկրների հետ ավիահաղորդակցության բացումը:
Օպերատիվ շտաբում նոր պետությունների հետ ավիահաղորդակցության վերականգնման մասին տեղեկատվությունը չեն հաստատել: «Այս պահի դրությամբ նոր որոշումներ չկան արտասահմանյան երկրների հետ միջազգային չվերթների վերսկսման վերաբերյալ»,- ասել է շտաբի ներկայացուցիչը:
Եվրոպա կարող են մեկնել ոչ բոլորը: Ռուսական ավիաընկերությունից հայտնել են, որ թռիչքները դեպի Ֆրանսիա, Հունգարիա և Մալթա կարող են բացվել միայն նրանց համար, ովքեր բնակության կամ աշխատանքի թույլտվություն ունեն, կամ մեկնում են բուժման նպատակով: