Միութենական պետությունից հրաժարվելը, ինչը պահանջում է ընդդիմությունը, Բելառուսին կզրկի ՀՆԱ-ի 25%-ից: Այս մասին հայտարարել է հանրապետության նախագահի օգնական Վալերի Բելսկին՝ հայտնում է «ԲելՏԱ» գործակալությունը:
Ըստ նրա՝ եթե երկիրը այնուամենայնիվ հրաժարվի Միութենական պետությունից, ապա կկորցնի իր դիրքերը Ռուսաստանի շուկայում՝ անհապաղ անցում կատարելով նավթի և գազի համաշխարհային գներին:
«Հաշվի առնելով, որ Ռուսաստանի հետ համագործակցությունը կազմում է ՀՆԱ-ի ավելի քան 50% -ը, այդ արժեքի մոտ կեսը անհապաղ դուրս կգրվի մեր հաշվեկշռից», – ասել է Բելսկին:
Ավելի վաղ նախագահի օգնականը Բելառուսում բողոքի ցույցերի հետևանքով հասցված վնասը գնահատել էր 500 միլիոն դոլար:
