Հայ որոշ վերլուծաբաններ վերջին օրերին լրջագույն քննարկումներ են անցկացնում, որտեղ անդրադարձ են կատարում նորվեգացի ահաբեկիչ Անդերս Բրեյվիկի «հայանպաստ» վերլուծություններին՝ նշելով, որ այս ահաբեկչությունը «հերթական անգամ կսևեռի ողջ Եվրոպայի ուշադրությունը Հայկական հարցի վրա»:
Սակայն հայ որոշ վերլուծաբաններ մենակ չեն Բրեյվիկի նկատմամբ իրենց համակրանքում: Պարզվում է, որ Եվրոպական խորհրդարանի իտալացի ազգայնական պատգամավոր Մարիո Բորգեզիոն էլ Բրեյվիկի գրածների նկատմամբ անտարբեր չի կարողացել մնալ՝ հավանություն տալով նորվեգացի ահաբեկչի գաղափարներին: «Նրա կողմից առաջ քաշված որոշ գաղափարներ լավն են, բացառությամբ բռնության: Որոշներն էլ ուղղակի գերազանց են»,- ասել է Բորգեզիոն:
Իտալացի խորհրդարանականին դուր է եկել Բրեյվիկի այն գաղափարը, որ մայրցամաքի իսլամացման դեմ պետք է լինի ընդհանուր եվրոպական դիմադրություն: Այս մասին հաղորդում է BBC-ն: