Ամերիկյան «Defense News» ամսագիրը հրապարակել է աշխարհի «Top 100» ռազմարդյունաբերական ընկերությունների ցանկը, որում տեղ են գտել նաև թուրքական 7 ընկերություններ, հաղորդում է Anadolu Ajansi-ն։ Ցանկն կազմվում է ըստ նախորդ տարվա ընթացքում ռազմարդյունաբերական ընկերությունների իրականացրած վաճառքի ծավալների։
Ցանկում տեղ են գտել հետևյալ 7 թուրքական ռազմարդյունաբերական ընկերությունները․ «Aselsan»-ը, «Tusaş»-ը, «BMC»-ն, «Roketsan»-ը, «STM»-ն, «FNSS»-ը և «Havelsan»-ը։
Նշենք, որ «Defense News Top 100»-ի առաջատարները ամերիկյան ընկերություններն են․ լավագույն հնգյակում տեղ են գտել «Lockheed Martin» (50 մլրդ 506 մլն դոլար), «Boeing» (34 մլրդ 300 մլն դոլար), «General Dynamics» (29 մլրդ 512 մլն), «Northrop Grumman» (28 մլրդ 600 մլն դոլար) և «Raytheon Company» (27 մլրդ 448 մլն դոլար) ընկերությունները։
