Այսօր բորսայում կայացած վաճառքներից հետո ամերիկյան Apple ընկերության մեկ ակցիայի գինը գերազանցել է 400 դոլարը: Տարվա սկզբից ընկերության բաժնետոմսերը թանկացել են 22.5%-ով, և այժմ ընկերության կապիտալիզացիան կազմում է 374 մլրդ դոլար: Այս մասին հաղորդում է RBC-ն:
Այսպիսով, iPhone սմարթֆոններ և iPad պլանշետային համակարգիչներ արտադրող ընկերությունը գրեթե հասել է ExxonMobile նավթային ընկերությանը, որի կապիտալիզացիան այս պահին կազմում է 415.6 մլրդ դոլար: Այս տարվա ընթացքում նավթային ընկերության բաժնետոմսերն աճել են 13.4%-ով: Երրորդ հորիզոնականում չինական PetroChina նավթային ընկերությունն է, որի կապիտալիզացիան կազմում է 300 մլրդ դոլար, իսկ ընկերությունը տարվա սկզբից ունեցել է 9% աճ:
Նշվում է նաև, որ Apple-ը վերջին 14 տարում կայուն աճ է արձանագրում: Սա տեղի է ունեցել այն բանից հետո, երբ ընկերություն վերադարձավ Սթիվ Ջոբսը: Դրանից հետո ընկերության բաժնետոմսերի գինն աճել է 75 անգամ՝ 1997 թ-ի 5.4 դոլարի փոխարեն:
