Հորդանանը միջազգային թռիչքները կբացի օգոստոսի 5-ից: Այս մասին հայտարարել է Քաղավիացիայի կարգավորման հանձնաժողովի ղեկավար Հայեսամ Միստոն, հայտնում է ՌԻԱ Նովոստին:
Միստոն նշել է, որ Հորդանանի օդանավակայանները պատրաստ են միջազգային թռիչքներ ընդունել որոշ երկրներից, որոնք կընտրվեն գերատեսչության մեթոդաբանության համաձայն ՝ կախված դրանցում համաճարակաբանական իրավիճակից: «Օգոստոսի 5-ից թռիչքներ կլինեն դեպի հատուկ երկրներ և կվերադառնան դեպի Հորդանան», – ասաց նա՝ չնշելով հատուկ պետություններ:
Միևնույն ժամանակ, տեղական «Ռոյա» պորտալը նախկինում հրապարակել էր կորոնավիրուսի հետ կապված համեմատաբար հանգիստ իրավիճակ ունեցող երկրների ցուցակը: Այդ թվում են Կանադան, Չինաստանը, Վրաստանը, Մալայզիան, Նոր Զելանդիան, Նորվեգիան, Շվեյցարիան, Թայվանը, Թաիլանդը և ավելի քան տասը եվրոպական երկիր:
Հորդանանը միջազգային թռիչքները դադարեցրել էր մարտի 17-ին՝ կորոնավիրուսային համաճարակի պատճառով: Այս ընթացքում այնտեղ գրանցվել է կորոնավիրուսային վարակի 1,154 դեպք: Դրանցից 1036 մարդ արդեն ապաքինվել է, ևս 11-ը մահացել են: