Հանուն Հանրապետության քաղաքական նախաձեռնության անդամները այսօր այցելել են Արարատի մարզի սահմանամերձ/սահմանապահ Պարույր Սևակ գյուղ։
ԱԺ անկախ պատգամավոր Արման Բաբաջանյանը ֆեյսբուքյան իր էջում գրել է. «Այսօր պաշտոնական հաղորդագրություններից հայտնի դարձավ, որ գյուղի ուղղությամբ կրակոցներ են արձակվել ու փառք Աստծո, որ գյուղացիները չեն լսել դրանց ձայները։ Բազմաթիվ խնդիրներ կան գյուղում՝ օլիգարխների ճանկերը հասել են մինչև այս գյուղ՝ իր հանապազօրյա հացը կիզիչ արևի տակ վաստակող գյուղացուն զրկելով կենսական հողատարածքները տնօրինելու հնարավորությունից։
Փորձենք առավելագույնս օգտակար լինել, որպեսզի գյուղի քառասուն տարի առաջ կառուցված փայտաշեն տների խնդիրը հիմնավորապես լուծում գտնի։ Վստահ եմ՝ այդ խնդիրը էապես կանդրադառնա գյուղի երիտասարդության՝ գյուղում կյանքը շարունակելու տրամադրությունների վրա։
Սահմանը ամեն կերպ պետք է ուժեղացնել։ Սահմանի վրա ապրող մարդիկ պետք է պաշտպանված և բարեկեցիկ լինեն, երեխաները պետք է հաճախեն լավագույն մանկապարտեզներն ու դպրոցները։ Սահմանի համար ոչինչ չպետք է խնայենք։ Այս ամենը ի պետս Հայաստանի քաղաքացու և Հանուն Հանրապետության»։
https://www.facebook.com/babajanyana/posts/3476432819054087?__tn__=-R
