ԱՄՆ-ում սկսվել է կորոնավիրուսային վարակի դեմ երկու պատվաստանյութերի կլինիկական փորձարկումների վերջին փուլերը: Այս մասին հայտարարել է Նախագահ Դոնալդ Թրամփը, հայտնում է Reuters-ը:
Ըստ նրա, նախկինում տարիներ են պահանջվել պատվաստանյութերի ստեղծման և փորձարկման համար, բայց այժմ կարճ ժամանակում ամեն ինչ ձեռք է բերվել: Նա նշել է, որ ևս չորս թեկնածու-պատվաստանյութեր շուտով կմիանան երկու պատվաստանյութերին:
«Առաջին հաստատված պատվաստանյութերը հավանության կարժանան անմիջապես»,-ասել է նախագահը:
Նա նաև ասել է, որ երկիրն ընտրել է մասնագետների, որոնք կզբաղվեն շիճուկների առաքմամբ:
Ներկայումս ԱՄՆ-ն առաջատար է COVID-19- ով վարակվածների եւ մահացածների քանակով: Աշխարհում 14,7 միլիոն դեպքից ավելի քան 3,8 միլիոն դեպքը գրանցվել է Միացյալ Նահանգներում: Միևնույն ժամանակ, երկրում ավելի քան 141 հազար մարդ է մահացել կորոնավիրուսով վարակվելուց հետո (աշխարհում ընդհանուր առմամբ 611 հազար մահ):