Ամերիկացի աշակերտուհուն ուղարկել են բանտ տնային առաջադրանքը չկատարելու համար: Այս մասին հաղորդում է Detroit Metro Times-ը:
Անցյալ տարի Գրեյսին մեղադրել են հարձակման և գողության համար: Նրան թույլ են տվել մնալ ազատության մեջ փորձնական ժամկետով: Սակայն այս տարվա մայիսին դատավորը 15-ամյա աղջկան ուղարկել է անչափահաս իրավախախտների համալիր՝ համարելով, որ տնային առաջադրանքների չկատարումը պայմանների խախտում է:
Միչիգան նահանգի գործադիր իշխանությունները և օրենսդիրները պայքարում են Գրեյսի ազատ արձակման համար: Նրանք դատավորի որոշումն անվանել են «ավելի քան անհանգստություն պատճառող»: Նշվում է, որ աշակերտուհին տառապում է ուշադրության պակասի համախտանիշով, և նրան հատկապես դժվարությամբ են հաջողվում առցանց պարապմունքները, որին ուսումնական հաստատությունները ստիպված են եղել անցնել կորոնավիրուսի համավարակի պատճառով:
