«Մեր տղաների գործողությունները գերազանց էին, մեր հակահետախուզությունը փայլուն կերպով է աշխատել… Վերջին օրերին մեր բանակը, ի պատասխան հակառակորդի սադրանքի, ցույց տվեց իր ուժը, կարողությունն ու մարտունակությունը, ցույց տվեց, որ մենք պատրաստ ենք նույնիսկ լայնածավալ պատերազմի, և մեր հակառակորդը դա զգաց ու մինչև հիմա շոկի մեջ է: Նրանք միանգամից չեն դադարեցնի կրակը, կշարունակեն կրակել անգամ իրենք իրենց «դուխ» տալու համար»,- անդրադառնալով հայ-ադրբեջանական սահմանին սրված իրադրությանը՝ «Առաջին լրատվական»-ի հետ զրույցում այս մասին ասաց պաշտպանության նախկին փոխնախարար, գեներալ-լեյտենանտ Գագիկ Մելքոնյանը՝ հավելելով, որ ադրբեջանցիներն անընդհատ նախահարձակ են եղել, և հիմա էլ սթրեսի մեջ են ու կարող են ոհմակով հարձակվել:
«Ադրբեջանը հարձակվելով Հայաստանի վրա՝ հարձակվել է ՀԱՊԿ-ի վրա, դա հիմարություն էր: Ադրբեջանը պետք է խելացի ձևով նստի խաղաղ բանակցությունների, և մենք խաղաղության դիմաց ոչինչ չենք տալու, հակառակը՝ պահանջելու ենք…»,- ընդգծեց Գագիկ Մելքոնյանը:
Անդրադառնալով այս լարված իրավիճակում Հայաստանի ներքաղաքական զարգացումներին՝ պաշտպանության նախկին փոխնախարարն ընդգծեց. «Մեր երկրում ստեղծվել է վասակյան խումբ. նրանք Ալիևի «հետախույզներն» են այստեղ ու այստեղից խորհուրդ են տալիս, թե ոնց հարձակվեն, քանի օրից հարձակվեն, ու Ալիևը ընկավ այս դավաճան հայվանների խելքին ու քաշվավ»:
Մանրամասն՝ տեսանյութում:
