Հուլիսի 12-ին հայ-ադրբեջանական սահմանին իրավիճակի սրման ժամանակ Ադրբեջանի ամբողջ ղեկավարությունը եղել է աշխատավայրում, բացառությամբ արտաքին գործերի նախարարի:
«Ես չէի կարողանում գտնել նրան, նա աշխատավայրում չէր»,- ասել է երկրի առաջնորդ Իլհամ Ալիևը՝ կառավարության նիստում ելույթի ժամանակ:
Նա դժգոհություն է հայտնել նախարար Էլմար Մամեդյարովի պահվածքից՝ նրան մեղադրելով անպատասխանատվության մեջ:
Նա դիմել է վարչապետին՝ խնդրելով իրեն տեղեկացնել Մամեդյարովի հետ երկխոսության մանրամասները:
Վարչապետ Ալի Ասադովն ասել է, որ Մամեդյարովը ցերեկվա ժամը 3-ին գտնվել է տանը: «Ես հարցրեցի, ինչու՞ եք տանը, դուք պետք է լինեք աշխատասենյակում և կատարեք նախագահի հանձնարարությունները»,- ասել է վարչապետը:
Ալիևը նաև դժգոհություն է հայտնել այն փաստից, որ ԱԳՆ ղեկավար Մամեդյարովը հայկական կողմի հետ քննարկել է կորոնավիրուսի դեմ պայքարի հետ կապված համագործակցության հարցերը: «Հայաստանի հետ ի՞նչ համագործակցության մասին կարող է խոսք լինել»,- ասել է Ալիևը: