«Տեսալսողական մեդիայի մասին» օրենքի նախագիծը մեծ աղմուկ է բարձրացրել, հասարակական և լրագրողական շատ կազմակերպություններ լուրջ դժգոհություններ են հայտնում և կոչ են անում նախագիծը հանել շրջանառությունից: Թեմայի շուրջ «Առաջին լրատական»-ը զրուցել է ԱԺ «Իմ քայլը» խմբակցության պատգամավոր, այս նախագծի համահեղինակ Վահագն Թևոսյանի և Խոսքի ազատության պաշտպանության կոմիտեի նախագահ Աշոտ Մելիքյանի հետ:
Ինչ բարեփոխումներ են սպասվում և խաղի ինչ նոր կանոններ են լինելու: Վահագն Թևոսյանի խոսքով՝ գոյություն ունեցող համակարգի փլուզումը թույլ չտալու համար հիմնական բաղադրիչները այս օրենքի նոր նախագծով պահպանվում են, փոփոխություններ են մտցվում մրցութային ընթացակարգերի մեջ, ինչպես նաև ոլորտում առկա խաղացողների իրավահարաբերություններն են հստակեցվում, նաև որոշակիորեն ներմուծվում է էթիկայի կանոնագրի և ինքնակարգավորման նոր մոդել՝ բովանդակային կոնտրոլի սկզբունք, որը չի լինի պետության մարմնի կողմից, այլ հենց իրենց՝ հեռարձակողների կողմից և կլինի քաղաքացիական վերահսկողության շրջանակում: «Նոր եզրույթների և նոր ձևաչափերի ներդրումով նոր դուռ ենք բացում տեսալսողական մեդիայի ընդհանուր կարգավորման ուղղությամբ տարվող աշխատանքների համար…»,- նշեց Վահագն Թևոսյանը:
Աշոտ Մելիքյանի կարծիքով՝ օրենքն ընդունելու հապճեպությունը ընդունելի չէ. «Տեսալսողական մեդիայի մասին» օրենքը պետք է ուղարկել միջազգային փորձաքննության: Այս օրենքը բազմաթիվ թերություններ ու բացեր ունի… Մենք կողմ ենք, որ լավ մշակված կուռ օրենք ընդունվի, այս օրենքը դեռևս հում վիճակում է»:
Մանրամասն՝ տեսանյութում:
