Տուգանքների հետ կապված հայտնի շրջանակները փորձում են շահարկումներ անել։ Այս մասին կառավարության նիստի ժամանակ ասաց ՀՀ վարչապետ Նիկոլ Փաշինյանը։
Վերջինս ընդգծեց, որ ամենախիստ միջոցներով պետք է կարողանան ապահովել հակահամաճարակային կանոնների պահպանումը. «Այս ճանապարհին հետևողական ենք լինելու։ Անհրաժեշտության դեպքում ներդնելու ենք նոր խստացումներ։ Մեր նպատակն է այնպես անել, որ նաև մեր այն սիրելի հայրենակիցները, որոնց համար մոտիվացիան կարող է լինել միայն տուգանքից խուսափելը, նաև այդ քաղաքացիներին կարողանանք քաջալերել, որ նրանք դիմակներ կրեն։ ՀՀ քաղաքացին կորոնավիրուսից մահանալու մատերիալ չէ»,-նշեց վարչապետը։