Սերբիայի ներքին գործերի նախարար Նեբոյշա Ստեֆանովիչը, մեկնաբանելով արդեն երկրորդ օրը Բելգրադում տեղի ունեցող հուժկու ցույցերն ու զանգվածային անկարգությունները՝ կորոնավիրուսի բռնկման պատճառով կրկնակի սահմանափակումների ֆոնին, ասել է, որ բողոքի ցույցերը հրահրում են իշխանության ձգտող քաղաքական որոշ ուժեր:
«Համոզված եմ, որ Բելգրադում բողոքի ցույցերը կապված են ոչ թե կորոնավիրուսի դեմ ուղղված միջոցառումների, այլ որոշակի ուժերի՝ առանց ընտրությունների և ժողովրդի աջակցության իշխանությունը զավթելու փորձի հետ», – ասել է նախարարը: