TRT-ի ռուսական ծառայության փոխանցմամբ՝ Թուրքիայի հարավ-արևմտյան հատվածում ընկած Մուղլայի նահանգի Դալյան շրջանում գտնվող «Իզթուզու» լողափը ճանաչվել է Եվրոպայի լավագույն լողափ։
Համատեղ կերպ այդպիսի եզրահանգման են եկել Նիդեռլանդներում տեղակայված Zoover վարկանիշային կայքն ու Meteovista օդերևութաբանական կանխատեսումներով զբաղվող ընկերությունը։
Երկրորդ տեղը զբաղեցրել է պորտուգալական «Մոնտե Գարդո» լողափը, իսկ երրորդ տեղում է հայտնվել Հունաստանում գտնվող «Ստալիս» լողափը։
«Ամենահանրահայտ լողափերը» հետազոտության մեջ նշված է, որ թուրքական լողափերը շարունակում են պահպանել իրենց հանրաճանաչությունը։
Դրանում ուշադրություն էր հատկացված նրան, որ լողափերի հարցում ընտրություն կատարելիս եվրոպացիները շեշտը դնում են լողափի անդորրի և հանդարտության վրա։
