Մեծ Բրիատնիան, հետևելով Ֆրանսիայի օրինակին, հայտարարել է, որ Լիբիայի առաջնորդ Մուամար Քադաֆին կարող է մնալ երկրում, եթե հրաժարվի իշխանությունից: Այս մասին հաղորդում է BBC-ն:
Մեծ Բրիտանիայի արտաքին գործերի նախարար Ուիլյամ Հեյգը հայտարարել է, որ ինքը կնախընտրեր, եթե Քադաֆին լքեր Լիբիան, սակայն այդ որոշումը պետք է կայացնի Լիբիայի ժողովուրդը: Հեյգն այս հայտարարությունն արել է Լոնդոնում Ֆրանսիայի արտգործնախարար Ալեն Ժյուպեի հետ հանդիպումից հետո:
Լիբիացի ապստամբները վերջին շրջանում հասկացրել են, որ չեն մերժում Քադաֆիի՝ երկրում մնալու տարբերակը, եթե, իհարկե, նա հրաժարվի իշխանությունից: