Ամերիկյան դոլարն այս շաբաթ նշում է 150-ամյա հոբելյանը: Աշխարհի ամենաամուր արտարժույթը, որը վերջին տարիներին դժվար մրցակցության մեջ է զարգացող մի շարք երկրների և տարածաշրջանային արտարժույթների հետ, շարունակում է մնալ հիմնական արտարժույթ, թեպետ շատ փորձագետներ այդ ընթացքն իներցիոն են համարում:
1861 թ. ԱՄՆ-ում առաջին անգամ հայտնվեց դրամական միավոր, որը կանաչ գույնի էր, և որի վրա պատկերված էր երկրի նախագահը: Սակայն ամերիկացիների մեջ վստահությունն այդ արտարժույթի նկատմամբ արագ չձևավորվեց: Շատերը կարծում էին, որ այս դրամական միավորը մտցվել է Հյուսիսի կողմից՝ քաղաքացիական պատերազմում հաղթելու համար: Այս մասին գրում է The Financial Times-ը: Սակայն անվստահությունը երկար չտևեց, և տասնամյակների ընթացքում դոլարը սկսեց ամրանալ, իսկ 20-րդ դարի երկրորդ կեսին դարձավ աշխարհի «ամենաամուր» արտարժույթը: 1971 թ. ԱՄՆ նախագահ Ռիչարդ Նիքսոնը չեղյալ հայտարարեց դոլարի ապահովվածությունը ոսկու պաշարով:
Ամեն օր ԱՄՆ-ում թողարկվում է մոտ 35 միլիոն թղթադրամ՝ 635 մլն դոլար ընդհանուր ընդհանուր արժողությամբ:
Թղթադրամների 95%-ը, որոնք տպվում են ԱՄՆ-ում, ծառայում է հները փոխարինելուն: