Ադրբեջանական APA լրատվական գործակալության փոխանցմամբ՝ այսօր Բաքվում տեղի է ունեցել Ադրբեջանի ու Ռուսաստանի պաշտպանության նախարարներ Սաֆար Աբիևի ու Անատոլի Սերդյուկովի տետ-ա-տետ հանդիպումը։
Սկզբում այդ հանդիպումն անցել է ընդլայնված պատվիրակության մասնակցությամբ և քննարկվել են ռազմա-տեխնիկական համագործակցության զարգացման հեռանկարները, տարածաշրջանում տիրող ներկայիս ռազմա-քաղաքական իրավիճակը, ղարաբաղյան հակամարտության կարգավորումը և Գաբալայի ռադիոտեղորոշիչ կայանի հարցը։
Աբիևը հայտարարել է, որ Ադրբեջանի ու Ռուսաստանի միջև հարաբերությունները կտրուկ զարգանում են ռազմական, ինչպես նաև այլ ոլորտներում։ Աբիևն ընդգծել է Ռուսաստանի նախագահ Դմիտրի Մեդվեդևի ջանքերը՝ ղարաբաղյան հակամարտության կարգավորմանն ուղղված հանդիպումների անցկացման հարցում՝ նշելով, որ դրանք դրանք հույս են տալիս, որ խնդիրը կլուծվի խաղաղ ճանապարհով։
Աբիևը հավելել է, որ, դրա հետ մեկտեղ, Ադրբեջանն ամրապնդում է իր բանակը։ Ապա տեղի է ունեցել երկու նախարարների տետ-ա-տետ հանդիպումը։
Հիշեցնենք, որ երեկ Ադրբեջան ժամանած Սերդյուկովը դեռ պետք է հանդիպի նախագահ Իլհամ Ալիևի հետ։ Սերդյուկովի ադրբեջանական այցն ավարտվում է հուլիսի 26-ին։