Աֆղանստանի հարավում առևանգումից 6 օր հետո մահապատժի է ենթարկվել 8-ամյա մի տղա: Առևանգողները երեխայի հորից, որը ոստիկանության աշխատակից է, պահանջել են ոստիկանանական մեքենա, ինչը նա մերժել է: Այս մասին հաղորոդում է BBC-ն:
Ահաբեկիչները երեխային մահապատժի են ենթարկել ուրբաթ օրը Գիլմենդ նահանգի Գերեշք շրջանում, ասված է Աֆղանստանի նախագահ Համիդ Քարզայի աշխատակազմի հայտարարության մեջ:
«Նախագահ Քարզայը կտրականապես քննադատում է նման գործողությունները և նենգ հանցագործությունը, որն անընդունելի է ցանկացած կրոնում և մշակույթում»,- ասված է հայտարարության մեջ:
Հայտարարության մեջ չի նշվում, սակայն, թե արդյոք ահաբեկիչները պատկանո՞ւմ են Աֆղանստանում գործող «Թալիբան» կամ որևէ այլ ահաբեկչական շարժմանը:
