ԱՄՆ Սենատի հանրապետական անդամ Ջոն Բարասոն հայտարարել է, որ իր գործընկերների հետ, ներառյալ Տեխասից ազդեցիկ սենատոր Թեդ Քրուզը, «Հյուսիսային հոսք-2»-ի դեմ նոր պատժամիջոցների վերաբերյալ օրինագիծ է ներկայացրել: Ըստ Բարասոյի, օրինագիծը հստակեցնում և ընդլայնում է նախագծի դեմ արդեն գոյություն ունեցող պատժամիջոցները:
Օրինագծում նշվում է «Հյուսիսային հոսք-2»-ի շրջանակում խողովակների տեղադրման աշխատանքներ իրականացնող նավերին ապահովագրական ծառայություններ մատուցող ընկերություններին պատժամիջոցների ցուցակներում ընգրկելու մասին:
Բացի այդ, առաջարկվում է պատժամիջոցների ենթարկել ընկերություններին, որոնք ապահովում են փորձարկումները, տեսչական ստուգումները, ինչպես նաև խողովակաշարի կառուցման մասնակիցներին հավաստագրեր տրամադրող ընկերություններին: