Կիպրոսի կառավարությունը խոստանում է փոխհատուցել զբոսաշրջիկների ծախսերը այն դեպքում, երբ արձակուրդի ընթացքում կղզում կորոնավիրուս հայտնաբերվի՝ հայտնում է Associated Press-ը:
Այսպիսով, Կիպրոսի Կառավարությունը խոստանում է, որ կհոգա հիվանդանոցում սննդի, բուժման և տեղավորման ծախսերը, եթե զբոսաշրջիկի մոտ կորոնավիրուսի հայտնաբերման թեստը դրական արդյունք ցույց տա: Զբոսաշրջիկը ստիպված կլինի միայն իր հաշվին հասնել օդանավակայան և վերադառնալ հայրենիք։
Հատուկ օտարերկրյա զբոսաշրջիկների համար կղզում կհատկացվի 100 մահճակալով առանձին հիվանդանոց, որը ապահովված կլինի նաև մոտավորապես 200 օդափոխիչ սարքով՝ ծանր հիվանդների համար: Բացի այդ, 500 սենյականոց հյուրանոց կտրամադրվի վարակված զբոսաշրջիկների ընտանիքներին և նրանց համար, ում հետ նրանք շփվել են:
