ԱՄՆ նախագահ Դոնալդ Թրամփը Սպիտակ տանը կազմակերպված մամուլի ասուլիսում անդրադարձել է նաև թուրք-սիրիական սահմանից ամերիկյան զորքերի դուրսբերման խնդրին։
Նա նշել է, որ երբ ԱՄՆ-ը իր զորքերը հետ քաշեց թուրք-սիրիական սահմանից, բոլորն այդ քայլը սարսափելի որակեցին։
Թրամփը նաև հավելել է, որ նախօրեին Թուրքիայի նախագահ Ռեջեփ Թայիփ Էրդողանի հետ հեռախոսազրույցի ընթացքում վերջինս նրան հայտնել է, որ առանց ամերիկյան զորքերի թուրք-սիրիական սահմանին իրավիճակը ավելի լավ է։
«Մենք պահպանում էինք Թուրքիայի և Սիրիայի սահմանը։ Այժմ ցանկանում ենք, որ մեր զինվորները տուն վերադառնան։ 1 տարի առաջ, երբ այս որոշումն ընդունեցի, քննադատեցին։ Այժմ նրանք են իրենց սահմանները պահում։ Մենք պաշտպանեցինք նավթը, սակայն կարգավորելու ենք նավթի հետ կապված խնդիրները և դուրս ենք գալու այնտեղից»,-ասել է Թրամփը։
Թրամփի այս խոսքը թուրքական լրատվամիջոցները մեկնաբանել են, թե Էրդողանը Թրամփին ասել է․ «Առանց ձեզ Սիրիայի սահմանն ավելի ամուր է»։
