Ավստրալիայի գիտնականների խմբի մոտ հարցեր են առաջացել կորոնավիորսի ծագման շուրջ՝ մարդու օրգանիզմում նրա «կատարյալ ադապտացման» պատճառով, գրում է Daily Mail-ը։
Գիտնականները ուսումնասիրել են, թե որքանով է SARS-CoV-2-ը, որը COVID-19 է առաջացնում, վարակում աշխարհում տարբեր կենդանիների։ Նրանք պարզել են, որ կորոնավիրուսը կասկածելիորեն «կատարյալ է հարմարվում» մարդու օրգանիզմի հետ, ինչը բերում է այն մտքին, որ այն արհեստական ծագում ունի և կարող էր ստեղծված լինել, օրինակ, չինական լաբորատորիայում։
Ֆլինդերսի համալսարանի պրոֆեսոր Նիկոլայ Պետրովսկու խոսքերով, վարակը ամենալավը միանում է մարդկային բջիջներին։ Կորոնավիրուսը կապվում է ACE2 մոլեկուլի հետ, օգտագործելով սրածայր սպիտակուցը, և որքան ամուր է այն կարողանում միանալ, այնքան ավելի փոքր է օրգանիզմից դրա մաքրվելու հավանականությունը։
«Սա նոր վիրուս է, որը երբեք չի եղել մարդու օրգանիզմում, բայց այն մարդկային ռեցեպտորների հետ կապվելու չափազանց բարձր մակարդակ ունի, ինչը շատ զարմանալի է»,- ասել է նա։
Պրոֆեսորը նշել է, որ իր և մյուս գիտնականների մոտ հարցեր են ծագել վիրուսի ծագման վերաբերյալ․ «Սա պատահականությո՞ւն է եղել, թե SARS-CoV-2-ը արհեստականորեն է ստեղծվել»։