Պարետ Տիգրան Ավինյանի որոշմամբ՝ մայիսի 18-ից կսկսի աշխատել հասարակական տրանսպորտն ու մետրոն, սակայն Հայաստանում դիմակ կրելը կդառնա պարտադիր, և չկրելու դեպքում 100 հազար դրամի չափով տուգանք է նախատեսված։
«Առաջին լրատվական»-ը շրջայց է կատարել Երևան քաղաքում և հարցում անցկացրել՝ ինչպե՞ս են վերաբերվում պարետի այս որոշումներին ՀՀ քաղաքացիները։
Քաղաքացիների կարծիքներն այդ հարցում բաժանվում էին մի քանի մասի։ Քաղաքացիների մի մասը գտնում էր, որ դիմակ կրելը ճիշտ է, ու այն պաշտպանում է վարակվելուց, մի մասն էլ դիմակ ուներ, սակայն պայուսակում, ըստ նրանց՝ դիմակ կրելն անհարմար է ու շնչահեղձ են լինում։ Սակայն կար քաղաքացիների մի ստվար զանգված, որոնք գտնում էին, որ իրենք առողջ են ու դիմակ կրելու անհրաժեշտություն չունեն։
Ինչ վերաբերում է դիմակ չկրելու համար նախատեսված տուգանքին ու նրա չափին, շատ քաղաքացիներ «Առաջին լրատվական»-ին հայտնեցին, որ տուգանքն ինչ-որ տեղ կարող է սթափեցնել դիմակ չկրողներին։ Կային նաև քաղաքացիներ, որոնք, միևնույն է, չէին հավատում համաճարակի գոյությանը և չէին պատրաստվում դիմակ կրել։ Սակայն կային նաև այնպիսի քաղաքացիներ, որոնք, ճիշտ է՝ հիմա չեն կրում, բայց պատրաստ էին կրել դիմակ, որպեսզի չտուգանվեն։
Մանրամասները՝ տեսանյութում։
