Միացյալ ազգերի կազմակերպությունն առաջարկել է հրադադար հաստատել Լիբիայում և դրանից անմիջապես հետո ձևավորել ժամանակավոր կառավարություն՝ իշխանության և ապստամբների հավասար ներկայությամբ: Այս մասին հաղորդում Reuters գործակալությունը:
Կառավարությունը կնշանակի նախագահ, կվերահսկի ոստիկանությունը և կզբաղվի ազգային համերաշխության գործընթացով, որից հետո կնշանակվեն խորհրդարանական ընտրություններ և կընդունվի նոր սահմանադրությունը: Դիվանագետը, որը խնդրել է չնշել իր անունը, հայտնել է գործակալությանը, որ հենց այսպիսի ծրագիր է ներկայացրել ՄԱԿ-ի գլխավոր քարտուղարի հատուկ բանագնացը Լիբիայում՝ Աբդ Ալ-Իլահ Ալ-Խատիբը:
Ալ-Խատիբը հրաժարվել է բացահայտել այդ ծրագրի մանրամասները:
