Իրանի նախագահ Հասան Ռոհանին ԱՄՆ նախագահ Դոնալդ Թրամփի վարչակազմն անվանել է վատագույնը այդ երկրի պատմության մեջ: Ռոհանիի ելույթը հեռարձակվել է պետական հեռուստատեսությամբ:
«Միացյալ Նահանգներում նման Սպիտակ տուն երբևէ չի եղել: Այսքան անմարդկային, դաժան և ոչ կոմպետենտ,- ասել է նա:- Նայեք այս երկրի պետքարտուղարին: Նա բացարձակապես ծանոթ չէ քաղաքականության հիմունքներին»:
Ավելի վաղ, Իսրայել կատարած պաշտոնական այցի ընթացքում, ԱՄՆ պետքարտուղար Մայք Պոմպեոն հայտարարել էր, որ Իրանը շարունակում է ահաբեկչություն հրահրել ամբողջ աշխարհում՝ նույնիսկ COVID-19-ի համաճարակի պայմաններում: