Ֆրանսիայի վարչապետ Էդուար Ֆիլիպը հայտարարել է, որ կորոնավիրուսի հետ կապված իրավիճակը երկրում բարելավվում է։ Այս մասին հաղորդում է ՌԻԱ «Նովոստին»։ «Իրավիճակը դանդաղ, բայց հաստատուն բարելավվում է»,- ասել է նա։
Ֆիլիպը նշել է, որ սանիտարային ճգնաժամը չի ավարտվել և համարել, թե «ճգնաժամը անցել է, սխալ կլիներ»։
Նա հավելել է, որ կյանքն այն բանից հետո, երբ Ֆրանսիան դուրս գա ինքնամեկուսացման ռեժիմից, առաջվանը չի լինելու։
Ավելի վաղ Ֆրանսիայի նախագահ Էմանուել Մակրոնը հայտարարել էր ինքնամեկուսացման ռեժիմի երկարաձգման մասին մինչև մայիսի 11-ը։
