«Ժողովուրդ» թերթը գրում է. «Ապրիլի 14-ին դերասան Հովհաննես Ազոյանի բնակարանի ուղղությամբ ինչ-որ մարդիկ կրակոց էին արձակել: Թեև նրա տունը 5-րդ հարկում է, այնուամենայնիվ, կրակոցից կոտրվել էին բնակարանի պատուհանները։
«Ժողովուրդ» օրաթերթը տեղեկացավ, որ երբ ոստիկանները ահազանգի հետքերով շտապել են դեպքի վայր, Հովհաննես Ազոյանի աչքից չի վրիպել այն, որ դեպքի վայր եկած ոստիկանները դիմակներով և ձեռնոցներով չեն եղել: Եվ նա այդ առիթով բողոք է գրել ՀՀ ոստիկանապետին` նրա ուշադրությունը հրավիրելով ոստիկանների կեցվածքի վրա:
Ինչ ընթացք է տրվել դերասանի դիմումին: «Ժողովուրդ» օրաթերթը փորձեց ոստիկանության հասարակայնության հետ կապերի և լրատվության վարչությունից պարզել, որտեղից ի պատասխան հայտնեցին. «Ծանոթ ենք խնդրին, ուսումնասիրություն է սկսված»:
Ստացվում է, որ այն մարդիկ, որոնք պետք է բացահայտեն դերասանի տան վրա արձակված կրակոցների գործը, հիմա նաև պիտի պաշտպանվեն դերասանից, քանի որ նրա դիմումի հետևանքով ծառայողական քննություն է սկսվել»:
Առավել մանրամասն՝ թերթի այսօրվա համարում:
