Ապրիլի 13-ին խոշոր ավտովթար-հրդեհ է տեղի ունեցել Շիրակի մարզում: Ժամը 23:30-ի սահմաններում Գյումրի քաղաքի Չերկազի փողոցում բախվել են Mazda մակնիշի 35 PV 587 համարանիշի, Peugeօt մակնիշի 35 G O 597 համարանիշի և Ford tranzit մակնիշի 34 VA 373 համարանիշի ավտոմեքենաները:
Ինչպես հայտնում է shamshyan.com-ը, նախնական տեղեկություններով՝ վթարի հետևանքով տուժածներ չկան, սակայն բախման հետևանքով ավտոմեքենաներից Mazda-ում և Peugeօt-ում հրդեհ է բռնկվել: Mazda-ն և Peugeօt-ն ամբողջովին վերածվել են մոխրակույտի:
Փաստի առթիվ նյութեր են նախապատրաստվում: Ոստիկանությունը պարզում է վարորդների ինքնությունը:
