Մեծ Բրիտանիայի թագուհի Եղիսաբեթ II-ը COVID-19 նոր տիպի կորոնավիրուսի համավարակին նվիրված ուղերձով դիմել է ժողովրդին՝ համեմատելով այն Երկրորդ համաշխարհային պատերազմի տված դասերի հետ։ Ուղերձը հեռարձակել է «Բի-բի-սին»։
Նա դիմել է քաղաքացիներին՝ կոչ անելով պահպանել հումորի զգացումը, կարգապահությունը և մերձավորի նկատմամբ կարեկցանքը, որոնք կօգնեն «այս դժվար ժամանակներում»։
Թագուհին հիշեցրել է Երկրորդ համաշխարհային պատերազմի դասերի և զոհերի մասին և համեմատել է դրանք կորոնավիրուսի հետ։
«Ես հույս ունեմ, որ ապագայում բոլորը կկարողանան հպարտանալ նրանով, թե ինչպես մենք դիմակայեցինք այս դժվարություններին»,- ընդգծել է Եղիսաբեթ II-ը։
Նա նաև կոչ է արել բրիտանացիներին հավատալ, որ «լավ օրերը կվերադառնան»՝ չնայած «դժվարին փորձություններին»։