ԱՄՆ նախագահ Դոնալդ Թրամփը ամերիկյան ԶԼՄ-ներին հորդորել է կեղծ լուրեր չտարածել կորոնավիրուսի մասին և բնակչության շրջանում խուճապ չսերմանել:
«Շատ կարևոր է, որ որոշ ԶԼՄ-ներ դադարեն կեղծ լուրեր տարածել և հասարակության մեջ վախ ու նույնիսկ խուճապ առաջացնել: Անհավատալի բան է: Ես կարող եմ անունները տալ, բայց դրանք էլի նույնն են։ Կարծում եմ՝ նրանց միայն վարկանիշն է հուզում»,- շաբաթ օրը նա ասաց լրագրողներին:
Նույն օրվա առավոտյան ԱՄՆ նախագահը քննադատական թվիթեր է գրել CNN-ի մասին, բայց չի մանրամասնել իրական պատճառը: Նախկինում նա քննադատել էր նաև New York Times-ին և Washington Post-ին:
Առողջապահության համաշխարհային կազմակերպությունը մարտի 11-ին նոր կորոնավիրուսային ինֆեկցիայի բռնկումը համաճարակ հայտարարեց: ԱՀԿ-ի վերջին տվյալներով՝ աշխարհում գրանցվել է ավելի քան 1,05 միլիոն վարակի դեպք, մահացել է շուրջ 57 հազար մարդ: