ԱՄՆ նախագահ Դոնալդ Թրամփը ՌԴ նախագահ Վլադիմիր Պուտինի հետ ունեցած հեռախոսազրույցի ընթացքում քննարկել է Վենեսուելայում տիրող իրավիճակը։ Այս մասին հաղորդում է ՌԻԱ «Նովոստին»։ Բանակցությունների ընթացքում Սպիտակ տան ղեկավարը Պուտինին հայտնել է «Վենեսուելայում տիրող ողբալի իրավիճակի մասին»։
Նա նաև ընդգծել է, որ երկրները շահագրգռված են «իշխանության դեմոկրատական փոխանցումով»։ Թրամփը հավելել է, որ դա կնպաստի Վենեսուելայում ճգնաժամի ավարտին։
2019 թվականի հունվարի 21-ին Վենեսուելայում զանգվածային բողոքի ակցիաներ սկսվեցին։ Արդյունքում ընդդիմության առաջնորդ Խուան Գուայդոն իրեն երկրի ժամանակավոր առաջնորդ հռչակեց։ ԱՄՆ-ի գլխավորությամբ մի շարք երկրներ ճանաչեցին Գուայդոյին որպես երկրի ղեկավար։
Իրենց հերթին՝ Ռուսաստանը, Չինաստանը, Թուրքիան և մի շարք այլ երկրներ որպես երկրի լեգիտիմ նախագահ աջակցեցին Մադուրոյին։