«ԱրմենՏել» ընկերությունը (ապրանքանիշը` Beeline) հայտարարում է Beeline Blade и Beeline U8500 սմարթֆոնների վաճառքի մասին` տարաժամկետ վճարման պայմանով:
Տարաժամկետ վճարման հնարավորությունից կարող են օգտվել ֆիզիկական անձինք, միանալով Beeline բջջային կապի հետվճարային սակագնային փաթեթներից որևէ մեկին, բացառությամբ «Քեզ համար Էքսկլյուզիվ» ՍՓ-ից: Beeline Blade и Beeline U8500 սմարթֆոնների գները 12 ամսվա ընթացքում գումարը վճարելու պարագայում կազմում են համապատասխանաբար 109,980 և 103,800 դրամ:
«Ընկերության նոր առաջարկը ձևավորվել է` ելնելով Beeline սմարթֆոնների դիմաց աստիճանաբար վճարելու հաճախորդների առաջարկություններից: Ընդառաջելով մեր հաճախորդներին` մենք ուրախ ենք հարմար պայմաններով առաջարկելու բազմաֆունկցիոնալ սմարթֆոններ` այսպիսով հնարավորություն տալով առավելագույն հարմարավետությամբ օգտնել կապի միասնական օպերատորի կողմից մատուցվող ծառայությունների լայն ցանկից»,- նշեց «ԱրմենՏել» ընկերության գլխավոր տնօրեն Իգոր Կլիմկոն:
Ձեռք բերելով Beeline Blade սմարթֆոնը` հաճախորդը միանվագ վճարում է 21,980 դրամ, իսկ մնացած 88,000 դրամը` հավասար մասերով (ամիսը 8000 դրամ) հաջորդ 11 ամսվա ընթացքում: Beeline U8500-ի պարագայում առաջին վճարումը կազմում է 21,300 դրամ, իսկ մնացած 82,500 դրամը վճարվում է հավասար մասերով 11 ամսվա ընթացքում (ամիսը 7,500 դրամ): Տարաժամկետ վճարման հնարավորությունից կարող են օգտվել այն հաճախորդներն, ովքեր չունեն տարաժամկետ վճարումների ընթացիկ պարտավորություններ «ԱրմենՏել» ընկերությունից գնված հեռախոսների դիմաց:
