Արքայազն Հարին կնոջ՝ Մեգան Մարքլի և որդու՝ Արչի Հարիսոնի հետ տեղափոխվեց Կանադա, քանի որ գտնում էր, որ Մեծ Բրիտանիայում նրանց երբեք չեն վերաբերվի այնպես, ինչպես որ ինքը կցանկանար, հաղորդում է Daily Mail-ը:
Պարբերականի աղբյուրների համաձայն, արքայական զույգի Մեծ Բրիտանիան լքելու իրական պատճառը Սասեքսի դքսի՝ հասարակության, լրատվամիջոցների և թագավորական ընտանիքի այլ անդամների հարձակումներից իր կնոջը պաշտպանելու ցանկությունն էր: «Երբ ակնհայտ դարձավ, որ Մեգանը երբեք լավ վերաբերմունքի չի արժանանա, նա կոտրվեց: Նա վստահեցնում է, որ Կանադա տեղափոխվելն իր գաղափարն էր»,- հայտնել է ինսայդերը:
Մեկ այլ աղբյուրի կարծիքով, նման կերպ արքայազն Հարին ցանկանում էր պաշտպանել իր երեխային «այն բացասական ազդեցությունից և ճնշումից, որին նա բախվելու էր Մեծ Բրիտանիայում»: Նրա կարծիքով, Սասեքսի դուքսը ցանկանում է, որ իր որդին «նորմալ մանկություն» ունենա, քանի որ նա ինքը մեծացել է մշտապես լինելով հասարակության ուշադրության կենտրոնում և գիտի, թե դա որքան դժվար է:
Արքայազն Հարին հունվար և փետրվար ամիսներն անց է կացրել ճանապարհորդելով, բայց համաճարակի պատճառով Կանադայի սահմանների փակվելուց առաջ հասցրել է վերադառնալ ընտանիքի մոտ: Մեկնելուց առաջ նա համոզել է իր հայրիկին և տատիկին հատուկ նախազգուշական միջոցներ ձեռնարկել՝ կորոնավիրուսով չվարակվելու համար: