ԿԳՄՍ նախարարի մասնակցությամբ սկսել ենք մի հետաքրքիր նախագիծ, որը կոչվում է «Մշակութային կորոնադադար»։ Կարծում եմ՝ այսօր երեկոյան կամ վաղը կտեսնենք առաջին թողարկումը։ Այս մասին այսօր՝ մարտի 20–ին, Պարետատանը լրագրողների հետ հանդիպման ժամանակ ասաց ԿԳՄՍ նախարարի տեղակալ Արայիկ Խզմալյանն՝ անդրադառնալով վիրտուալ հարթակում նախարարության ծրագրերին։
Նրա խոսքով՝ քանի որ այսօր սահմանափակումներ կան, պետք է գտնել նորանոր հարթակներ. «Նախարարի ուղեկցությամբ շրջում ենք մշակութային հաստատությունների այն տարածքներով, որոնք սովորաբար թաքցված են հանդիսատեսի հայացքից, չեն երեւում, այնտեղ մուտքը թույլատրելի չէ։ Այսօր եղանք տիկնիկային թատրոնում, եղանք թանգարանում, չբացեմ խաղաքարտերը, թե հաջորդ հաստատությունները որոնք են, եւ կարծում եմ, սա եւս այդ հաստատությունների գրավչությունը բարձրացնելու ուժեղ խթան կլինի»։