ՀՀ կառավարության վաղվա նիստում գործադիրը կհաստատի Գյումրու տեխնոպարկի գործունեության իրականացման 2011 թ. ծրագիրը: Այս տարվա պետբյուջեից նախատեսվում է հատկացնել 176,500.0 հազ. դրամ։
Մասնավորապես, կկազմակերպվի ճարտարագիտության և/կամ տեղեկատվական տեխնոլոգիաների ոլորտներին վերաբերող բիզնես գաղափարների և ծրագրերի մրցույթ, որի արդյունքում ընտրված մինչև չորս գաղափարների կամ ծրագրերի ֆինանսավորման համար պետության մասնակցությամբ կհիմնվեն նոր ընկերություններ, որի համար կհատկացվի 46,000 հազ. դրամ:
2010 թ. Գյումրու տեխնոպարկի գործունեության իրականացման ծրագրի շրջանակում հիմնված «Նեյշնլ Ինսթրումենթս» ընկերության մեխանիկայի և էլեկտրոնիկայի ուսումնական և գիտահետազոտական լաբորատորիաների բնականոն աշխատանքի ապահովմանը կհատկացվի 10,276.0 հազ. դրամ:
