Թերթը գրում է, որ Աշխատանքի և սոցիալական հարցերի նախարարությունում կադրային փոփոխություններ են սպասվում. «Աշխատանքից ազատվել է Սոցիալական ապահովության ծառայության պետի տեղակալ ժորա Գալստյանը»։
Թերթի աղբյուրների փոխանցմամբ՝ առաջիկայում պաշտոնանկություն է սպասվում նաև մյուս տեղակալին՝ Արա Հարությունյանին: Վերջինս առայժմ արձակուրդում է, և չի բացառվում, որ հենց արձակուրդով էլ ավարտվի նրա պաշտոնավարումը.
«Նշենք, որ այս տեղակալները ՀՀԿ-ական են և ծառայության պետ Արտեմ Ասատրյանը նրանց ժառանգություն է ստացել Վագգեն Խաչիկյանից»: Թերթի աղբյուրը չի բացառում, որ այս պաշտոնանկությունները պայմանավորված են Խաչիկյանի գործով: Ըստ թերթի՝ ժորա Գալստյանի պաշտոնում պատրաստվում են նշանակել ՏՏ ոլորտի մի ներկայացուցչի.
«Նախարարության մեր աղբյուրների փոխանցմամբ՝ լուրջ է նաև աշխատանքի և սոցիալական հարցերի նախարարության աշխատակազմի ղեկավարի՝ Արտակ Գրիգորյանի վիճակը, չի բացառվում, որ նա նույնպես կադրային փոփոխությունների շրջանակում լքի նախարարությունը: Նշենք, որ աշխատակազմի ղեկավարի նշանակումն ու ազատումը վարչապետի լիազորության շրջանակում է»,- հավելում է «Հրապարակ»-ը: