ԱՄՆ Նյու Յորք նահանգի Տոնավանդա քաղաքի բնակիչը ռեստորանում ցանկացել է վճարել հաշիվը և պատահաբար կրակել է իր սիրելիի ազդրին, հաղորդում է WIVB 4 կայքը:
Մարտի 5-ին 19-ամյա Էնթոնի Չիքարելին ընկերուհու հետ գնացել է սրճարան: Երբ հաստատության աշխատակիցը բերել է հաշիվը, երիտասարդը տաբատի գրպանից ցանկացել է հանել դրամապանակը և այնտեղ գտնվող ատրճանակից պատահաբար կրակել է ընկերուհու ազդրին:
Դրանից հետո զույգը լքել է ռեստորանը, աղջիկը զանգահարել է ոստիկանություն և բժշկական օգնություն խնդրել: Ոստիկանները նրա ոտքին լարան են տեղադրել:
Աղջկա կյանքին ոչինչ չի սպառնում, իսկ Չիքարելիին մեղադրանք է առաջադրվել առողջությանը անզգուշաբար վնաս պատճառելու և ապօրինի զենք պահելու համար:
