ՄԻԱՎ/ՁԻԱՀ-ի դեմ պայքարի միջոցառումները միտում ունեն միայն զարգացման, ինտեգրման և որևէ բան, գործող համակարգ չի փակվում, այլ տեղի է ունենում համակարգի տրանսֆորմացիա՝ ավելի մեծ հասանելիություն և ավելի որակյալ ծառայություն մատուցելու համար։ Լրագրողների հետ զրույցում այս մասին ասաց Առողջապահության նախարար Արսեն Թորոսյանը՝ անդրադառնալով ՁԻԱՀ-ի կանխարգելման կենտրոնի և Նորք ինֆեկցիոն հիվանդանոցի միացմանը։
Նախարարը չցանկացավ մեկնաբանել այն, ինչ տեղի է ունենում կոնկրետ կենտրոնի, կոնկրետ անձանց հետ. «Եղել է լիազոր մարմնի հրաման՝ տնօրեն փոխելու, որը բազմիցս հրաժարվել է կատարել կառավարության որոշման պահանջները՝ տրամադրելու փաստաթղթեր, իրականացնելու կառավարության որոշման պահանջը, որն է երկու ծառայությունների միավորումը, ինչը չի նշանակում որևէ բան փակել»,-ասաց Արսեն Թորոսյանը։
