ԱԺ-ում այսօր՝ փետրվարի 25-ին, հրավիրվել են խորհրդարանական լսումներ ՀՀ-ԵՄ Համապարփակ և ընդլայնված գործընկերության համաձայնագրի թեմայով:
ԱԺ եվրոպական ինտեգրման հարցերով հանձնաժողովի նախագահ Արման Եղոյանը հայտարարեց. «Մենք՝ հայերս, մեզ համարում ենք եվրոպական քաղաքակրթության անբաժան մաս»:
Նա նշեց, որ համաձայնագիրը դեռ ամբողջությամբ ուժի մեջ չի մտել. «Այս պահի դրությամբ այն վավերացրել են ԵՄ անդամ 23 պետություններ, մյուս 5 պետությունների վավերացումը ես ակնկալում եմ, որ կլինի հաշված ամիսների ընթացքում»:
Նա ուրախությամբ նշեց, որ 2019 թվականին ԵՄ-ի կողմից Հայաստանին հավելյալ տրվել է 25 մլն եվրո՝ կազմելով 65 մլն եվրո. «Նախատեսված գումարից մենք ունեցանք 60 տոկոսով ավելի հատկացում»:
Եղոյանի խոսքով՝ հեղափոխությունից հետո՝ 2018 թվականին, ԵՄ անդամ բոլոր երկրներում առաջին անգամ ապաստան հայցողների թիվը կրճատվել է 30 տոկոսով. «2017 թ. ապաստան է հայցել ՀՀ 6800 քաղաքացի, 2018-ին՝ 4800: Այս թվերը ցույց են տալիս, որ Եվրոպան մեզ համար ոչ թե ապաստան է և կանգառ, այլ ուղի, որով մենք բոլորս գնում ենք»:
Մանրամասները՝ տեսանյութում:
