Հարավային Կորեան արձանագրել է COVID-2019 կորոնավիրուսով վարակման 84 նոր դեպք, ևս մեկ մարդ մահացել է․ այսպիսով, երկրում վարակվածների ընդհանուր թիվն աճել է մինչև 977, մահացել է 10 մարդ: Այդ մասին հայտնել է Կորեայի Հանրապետության առողջապահության նախարարությանը կից Հիվանդությունների վերահսկողության և կանխարգելման կենտրոնների (KCDC) կազմակերպությունը՝ տեղեկացնում է RIA Novosti-ն:
Ավելի վաղ Հարավային Կորեան համաճարակաբանական սպառնալիքի մակարդակը երրորդ «նարնջագույնից» բարձրացրել է մինչև չորրորդ «կարմիր» մակարդակ:
Տեգու քաղաքին և հարևան Քենսան Փուքթոյի նահանգին բաժին է ընկնում երկրում վարակման արդեն 791 դեպք՝ ընդհանուր թվաքանակի ավելի քան 80 տոկոսը: Հարավային Կորեայի ավիաընկերություններն սկսել են ժամանակավորապես չեղարկել Տեգու և այնտեղից չվերթները: Երկրի նախագահ Մուն Չժե Ինը փետրվարի 25-ին այցելել է Տեգու և շտապ ֆինանսական օգնություն խոստացել տարածաշրջանին:
Նա իրադրությունը գնահատել է «չափազանց լուրջ» և հայտարարել է, որ անբավարար կլիներ քաղաքը «աղետի հատուկ գոտի» հայտարարելը: Այս պահին Տեգուն և Քենսան Փուքթոյի նահանգը հայտարարված են հատուկ համաճարակաբանական վերահսկողության տարածաշրջաններ:
