Մյունխենում տեղի ունեցավ ոչ ստանդարտ ձևաչափով Փաշինյան-Ալիև հանդիպումը, որի արձագանքները միանշանակ չէին։
Ի՞նչ եք կարծում՝ ի՞նչ էր ակնկալում հակառակ կողմը, ի՞նչ էինք ակնկալում մենք, և արդյո՞ք կողմերը կարողացան լուծել խնդիրը․ «Առաջին լրատվական»-ի հարցին Երևանի մամուլի ակումբի նախագահ Բորիս Նավասարդյանը պատասխանեց․ «Ես կարծում եմ, որ պետք է որ։ Մենք չգիտենք, թե ինչ էին պլանավորում Փաշինյանն ու Ալիևը՝ գուցե մինչև այդ միջոցառումը պլանավորում էին, թե ինչ պիտի ասեն ավելի լայն հանրությանը։ Դա որպես կատակ, իսկ տրամաբանորեն՝ ամեն մեկը պիտի ցանկանար միջազգային հանրության համար ավելի համոզիչ լինել և ներկայացնել սեփական դիրքորոշումը խնդրին՝ հնարավորինս դրական հույսով»։
Իսկ քաղաքագետ Սարո Սարոյանն ասաց․ «Ես գտնում եմ՝ ակնհայտ դարձավ, որ հայկական կողմը հարցին պատրաստված էր մոտեցել։ Այն վեց կետերը, որոնք հետո հրապարակեց Նիկոլ Փաշինյանը, ցույց էին տալիս, որ շեշտադրումները կոնկրետացված իր մոտ կային, որոնք այս կամ այն առումով նա ներկայացրեց այնտեղ։ Խնդիրներն այդտեղ չեն։ Խնդիրները ծագեցին ձևաչափի առումով։ Այն նորություն էր, և նախկինում մենք չենք ունեցել նման ձևաչափով հանրությանը ներկայանալու փորձ՝ նախկինում հանդիպումները եղել են փակ դռների հետևում, և մամուլին միայն սկզբնական փուլում են թույլատրել մասնակցել»։
Մանրամասները՝ տեսանյութում։