Ադրբեջանական 1news.az-ի փոխանցմամբ՝ հուլիսի 20-ին ԵԱՀԿ-ն հերթական դիտակումը կանցկացնի հայ-ադրբեջանական շփման գծում։ Այս մասին հայտարարել է Ադրբեջանի Պաշտպանության նախարարության մամլո ծառայությունը։
Վերջինիս տվյալներով՝ այս անգամ այն կանցկացվի Թարթառի շրջանի Չայլու գյուղից 3 կիլոմետր հյուսիս ընկած տարածքում։ Ադրբեջանական կողմից դիտարկումն անցկացնելու են ԵԱՀԿ գործող նախագահի անձնական ներկայացուցչի դաշտային օգնական Խրիստո Խրիստովը և անձնական օգնական Վիլյամ Պրայորը։
Հայկական կողմից դիտարկումն իրականացնելու են ԵԱՀԿ գործող նախագահի անձնական ներկայացուցչի դաշտային օգնականներ Մարիուս Պուոձինուասը և Անտալ Խեդրիչը։
Հիշեցնենք, որ հայ-ադրբեջանական շփման գծում վերջին դիտարկումն անցկացվել է հուլիսի 5-ին։ Այն անցել է առանց միջադեպերի։