Այսօր՝ փետրվարի 13-ին, Ազգային ժողովում շարունակվում է հերթական նիստի աշխատանքը: Այժմ քննարկվում է ՀՀ կառավարության և Հորդանանի Հաշիմյան թագավորության կառավարության միջև օդային հաղորդակցությունների մասին համաձայնագիրը վավերացնելու մասին օրենքի նախագիծը:
Պատգամավոր Արման Բաբաջանյանի հարցը վերաբերում էր ռումինական «Տարոն ավիա» ընկերությանը, որը հայտարարել է, թե չի կարողանում մրցակցությանը դիմանալ և, Ryanair-ին մատնանշելով, փակում է ընկերությունը. «Մամուլը գրում է, որ այդպիսի վտանգ կա նաև Air France և այլ միջազգային ընկերությունների դեպքում: Մենք չենք կարող կորցնել երկու հեղինակավոր ընկերություններին»:
Պատգամավորը հետաքրքրվեց նաև, թե ինչպես է անցել Հայաստանի անվտանգությունը ստուգող աուդիտը:
Ի պատասխան՝ Քաղավիացիայի կոմիտեի նախագահ Տաթևիկ Ռևազյանն ասաց, որ «Տարոն ավիան» շուկայից դուրս է եկել իր ֆինանսական խնդիրների պատճառով, ոչ թե Հայաստանի. «Ryanair-ը միայն մրցակցությունն է ավելացրել»:
Մանրամասները՝ տեսանյութում: