Համացանցում հայտնվել են գաղութում Բորիս Նեմցովի սպանության համար դատապարտված Զաուր Դադաևի մասնակցությամբ խնջույքի լուսանկարներ: Լուսանկարները հրապարակել է «Վերելք» Telegram ալիքը:
Ըստ հեռուստաալիքի՝ լուսանկարները ստացվել են դեռևս 2018-ի հուլիսին, դրանք գրավել են Scanner Project-ի ուշադրությունը: Լուսանկարներում պատկերված է Դադաևը, որը նստած է սեղանի մոտ մյուս բանտարկյալների ընկերակցությամբ: Նշվում է, որ այդ պահին դատապարտյալը պատիժ էր կրում Իրկուտսկում նախկին իրավապահների համար խիստ ռեժիմի IK թիվ 3-ում:
Հիշեցնենք, որ քաղաքական գործիչ Բորիս Նեմցովը գնդակահարվել է 2015 թվականի փետրվարի 27-ին Բոլշոյ Մոսկովորեցկի կամրջի վրա՝ Կրեմլի մերձակայքում: Ըստ հետաքննության՝ հանցագործության ենթադրյալ կազմակերպիչը՝ Ռուսլան Մուխուդինովը, այն իրականացնողներին առաջարկել է 15 միլիոն ռուբլի:
Նեմցովի սպանության համար դատապարտվել են Չեչնիայի հինգ քաղաքացիներ, այդ թվում Դադաևը, նրանք դատապարտվել են ազատազրկման 11-ից 20 տարի ժամկետով:
