Միջուկային անվտանգության թեմայով Վիեննայում կայացած միջազգային կոնֆերանսի շրջանակներում Ադրբեջանի ԱԳ նախարար Էլմար Մամեդյարովը հայտարարել է, թե «Հայաստանի կողմից Ադրբեջանի տարածքի 20 տոկոսի օկուպացիան միջուկային ահաբեկչության սպառնալիք է ստեղծում»։ Այս մասին տեղեկացնում է Lenta.ru-ն։
Մամեդյարովը նշել է, որ Բաքուն մեծ նշանակություն է հատկացնում միջուկային անվտանգությանը և թույլ չի տալիս երկիրը օգտագործել որպես անօրինական միջուկային առևտրի տարանցիկ գոտի։ Սակայն «օկուպացիայի» պատճառով Ադրբեջանը չի կարողանում վերահսկողություն ապահովել իր սահմանների զգալի հատվածի վրա։
«Դա բարենպաստ պայմաններ է ստեղծում անօրինական գործունեության համար, ներառյալ՝ միջուկային մաքսանենգությունը և միջուկային ահաբեկչությունը»,- հայտարարել է Մամեդյարովը։