Ֆրանսիայում 2019 թվականի նոյեմբերից մինչև 2020 թվականի փետրվարը առնվազն 26 մարդ է մահացել գրիպից․ համաճարակը տարածվել է երկրի ամբողջ մայրցամաքային տարածքում: Այդ մասին ասվում է Ֆրանսիայի հանրային առողջության ազգային գործակալության տեղեկագրում՝ հաղորդում է RIA Novosti-ն։
«2019 թվականի նոյեմբերի 4-ից գրանցվել է գրիպով հիվանդանալու 311 ծանր դեպք, ընդ որում՝ դրանցից 49-ը տարվա հինգերորդ շաբաթում: Մահացել է 26 մարդ՝ մինչև 15 տարեկան 3 երեխա, 15-64 տարեկան 12 մարդ և 65-ից բարձր տարիքի ևս 11 հոգի»,- նշվում է փաստաթղթում:
Եթե տարվա չորրորդ շաբաթում Ֆրանսիայի Նորմանդիա տարածաշրջանը ներկված էր նարնջագույն, մինչ երկրի մնացած ամբողջ քարտեզն արդեն կարմիր էր համաճարակից, ապա ներկայում համաճարակն ընդգրկել է երկրի ամբողջ մայրցամաքային մասը:
Նաև համաճարակ է հայտարարված Անտիլյան կղզիներում, իսկ Ռեունյոնում այն արդեն ավարտվել է: «Գրիպի ակտիվությունը մետրոպոլիայի բոլոր տարածաշրջաններում զգալի աճ է արձանագրել տարվա հինգերորդ շաբաթում:
Բոլոր տարածաշրջաններն այժմ համաճարակի փուլում են»,- ասվում է տեղեկագրում։
